काठमाडाैं । राष्ट्रिय जनमोर्चा पाँच दलीय गठबन्धनबाट अलग भएको छ ।
गठबन्धनमा संलग्न अन्य चार दलले जालझेल तथा तिकडम गरेर एमसीसी संसदबाट पारित गरेको ठहर गरी राष्ट्रिय जनमाेर्चाले गठबन्धनमा नरहने निर्णय गरेको हो ।
साेमबार अध्यक्ष चित्रबहादुर केसीले एक विज्ञप्ति जारी गरी आफूहरु गठबन्धनमा नरहने निर्णय गरेको जानकारी गराए ।
यस्तै, जनमोर्चाले व्याख्यात्मक प्रस्तावलाई आफ्ना कार्यकर्ताहरुको एमसीसी विरुद्धको आक्रोश मत्थर पार्न गरिएको नौटङ्की मात्र भएकाे भनी टिप्पणी पनि गरेकाे छ ।
साथै, एमसीसीविरुद्धको संघर्षलाई निरन्तरता दिने निर्णय पनि जनमोर्चाले गरेको छ ।
