काठमाडाैं । हिन्दू राष्ट्र स्वाभिमान जागरण अभियानले शनिबार ‘प्रबुद्ध नागरिक गाेष्ठी एवम् साहित्य परिचय कार्यक्रमकाे आयाेजना गरेकाे छ । कार्यक्रमल राष्ट्रिय सभागृहमा शनिबार २ बजेदेखि सुरु हुनेछ ।
उक्त गाेष्ठीमा हिन्दू राष्ट्र स्वाभिमान जागरण अभियान अन्तर्गत अहिलेसम्म प्रकाशित भएका साहित्यबारे विमर्श हुने आयाेजकले बताएका छन् ।
नेपाल एक हिन्दू राष्ट्र भएकाे र इतिहास, संस्कृति, परम्परा, जनसंख्याले यसलाई पुष्टि गरेकाेले अबकाे समाजले यसलाई आफ्नाे दायित्वकाे रुपमा स्वीकार गराेस भनी याे अभियानकाे सुभारम्भ भएकाे हाे ।
व्यक्ति–व्यक्तिमा हिन्दू भाव जागरण गरी प्रत्येक नागरिकका मनमनमा जागरण गर्नका लागि हिन्दू राष्ट्र स्वाभिमान जागरण अभियानको शुभारम्भ भएकाे थियाे । गएकाे भदाै ३ गते पूर्व प्रधानसेनासेनापति रुक्माङ्गद कटवालकाे संयाेजकत्वमा याे अभियान सुरु भएकाे हाे ।
शनिबार आयाेजना गरिएकाे कार्यक्रमका प्रमुख अतिथिमा पूर्व प्रधानन्यायाधीश गाेपाल पराजुली, विशिष्ठ अतिथिमा पूर्व प्रधानसेनापति रुक्माङ्गद कटवाल, पूर्व प्रहरीमहानिरीक्षक अच्युतकृष्ण खरेल र कार्यक्रम संयाेजक वास्तुविद् डा. वासुदेवकृष्ण शास्त्री रहेका छन् ।
