
दक्षिण काेरिया । दक्षिण कोरियाली सेनाका दुई विमान एक आपसमा ठोक्किएका छन् ।
शुक्रबार दक्षिण कोरियाको दक्षिणपूर्वी सहर साचेनोनको पर्वतीय क्षेत्रमा उक्त विमान दुर्घटनामा परेका हुन् । अन्तर्राष्ट्रिय समाचार एजेन्सी एपीले दिएकाे जानकारीअनुसार सैन्य अभ्यासको क्रममा उक्त विमान दुर्घटनामा परेका हुन् ।
दुर्घटनामा परी ३ जनाको मृत्यु भएको छ भने १ जना घाइते भएका छन् । दुर्घटनाको कारण जमिनमा रहेका मानिसको मृत्युको भने कुनै समाचार आएको छैन ।
दक्षिण कोरियाली सेनाले पनि दुर्घटनाको पुष्टि गरेको छ । यद्यपि दुर्घटनाको विषयमा थप जानकारी हासिल गर्न बाँकी रहेको सेनाले बताएको छ । अहिलेसम्म दुर्घटनाको कारण भने पत्ता लागेको छैन ।