दाङको तुलसीपुर-१७ का ७५ वर्षीय एक वृद्ध ७ वर्षीया बालिका बलात्कार आरोपमा पक्राउ परेका छन् । ती बालिका नातामा वृद्धको नातीनी पर्छिन् ।
शनिबार अपरान्ह ४ बजेतिर ती बालिका बाख्रा चराउन गएको र तिर्खा लागी पानी खान वृद्धको घरमा जाँदा चक्लेट खाने पैसा दिन्छु भनी जबरजस्ती करणी गरेको उजुरी परेपछि पक्राउ गरेर अनुसन्धान थालिएको इलाका प्रहरी कार्यालय तुलसीपुरका इन्स्पेक्टर सूर्य रानाले बताएका छन् ।
वृद्धलाई ५ दिन म्याद थपेर अनुसन्धान थालिएको छ । बालिकालाई स्वास्थ्य परीक्षणपश्चात हजुरआमाको जिम्मा लगाइएको छ ।
