शैक्षिक क्षेत्रमा २४ वर्षको लामो र सफल यात्रा तय गरेको जेभियर इन्टरनेशनल कलेज आज नेपालमा गुणस्तरीय र अन्तर्राष्ट्रिय स्तरको शिक्षाको पर्याय बनेको छ। सन् २००१ मा नेपालमै अन्तर्राष्ट्रिय शिक्षा प्रदान गर्ने एकमात्र उद्देश्यका साथ स्थापित यस कलेजले प्लस टु देखि स्नातकोत्तर तहसम्मका कार्यक्रमहरू सञ्चालन गर्दै हजारौं विद्यार्थीको भविष्य निर्माणमा अतुलनीय योगदान पुर्याएको छ।
स्थापनाकालदेखि नै अनुभवले खारिएको यस शैक्षिक संस्थाले काठमाडौंको कालोपुलमा प्लस टु र बौद्धको कुमारीगालस्थित अत्याधुनिक भवनबाट स्नातक तथा स्नातकोत्तर तहको पठनपाठन सञ्चालन गरिरहेको छ। मुलुकको सबैभन्दा पुरानो र प्रतिष्ठित त्रिभुवन विश्वविद्यालयबाट सम्बन्धन प्राप्त यस कलेजले ७ हजारभन्दा बढी विद्यार्थीलाई गुणस्तरीय शिक्षा प्रदान गरिसकेको छ।
जेभियर इन्टरनेशनल कलेज विशेषतः गुणस्तरीय शिक्षा र उत्कृष्ट नतिजाको मानक मानिन्छ । जेभियर कलेज स्थापनादेखि नै उत्कृष्ट नतिजाका लागि परिचित छ। विगत २४ वर्षदेखि कलेजले हरेक वर्ष ९५ प्रतिशतभन्दा माथिको नतिजालाई निरन्तरता दिएको छ।
विद्यार्थी केन्द्रित नवीन शिक्षण पद्धति
जेभियरले परम्परागत शिक्षण पद्धतिभन्दा माथि उठेर ‘स्मार्ट शिक्षक’ मार्फत ‘स्मार्ट प्रविधि’ को प्रयोग गर्दै विद्यार्थीलाई व्यवहारिक र जीवनोपयोगी ज्ञान प्रदान गर्दै आएको छ। विश्वविद्यालयले तोकेको पाठ्यक्रमका अलावा बजारको मागअनुसार दक्ष जनशक्ति उत्पादन गर्न कलेजले विभिन्न एक्सपोजर, इन्टर्नसिप, अन्तर्राष्ट्रिय सम्मेलन, कार्यशाला तथा सेमिनारहरू आयोजना गर्दछ।
कलेजले विद्यार्थीको नेतृत्व विकास, सञ्चार सीप र समग्र व्यक्तित्व विकासका लागि ‘नन-क्रेडिट’ कोर्सहरू समेत सञ्चालन गरिएको छ, जसले विद्यार्थीलाई शैक्षिक प्रमाणपत्रसँगै हरेक क्षेत्रमा अब्बल र सफल बन्न मद्दत गर्छ।
अन्तर्राष्ट्रिय अवसर र वृहत् छात्रवृत्ति योजना
जेभियर इन्टरनेशनल कलेज कक्षा ११ मा सर्वाधिक छात्रवृत्ति प्रदान गर्ने कलेजका रूपमा पनि स्थापित छ। नेपाल सरकारले तोकेको कोटाबाहेक जेहेन्दार, विपन्न, एसईईमा उत्कृष्ट अंक ल्याएका तथा अतिरिक्त क्रियाकलापमा अब्बल ६०० भन्दा बढी विद्यार्थीलाई कलेजले छात्रवृत्ति प्रदान गर्दै आएको छ।
यसका साथै, विद्यार्थीलाई अन्तर्राष्ट्रिय शैक्षिक अवसरसँग जोड्न अमेरिकाका प्रतिष्ठित विश्वविद्यालयका प्रतिनिधिहरूलाई कलेजमै बोलाएर शैक्षिक मेला आयोजना गरिन्छ। जहाँ विद्यार्थीले अमेरिकामा अध्ययनका लागि आवश्यक प्रक्रिया, शुल्क र छात्रवृत्तिबारे प्रत्यक्ष परामर्श लिन पाउँछन्। कलेजले कक्षा ११ बाटै विद्यार्थीहरूलाई MBBS, B.E. वा IELTS को तयारीका लागि निःशुल्क अनलाइन कक्षाको व्यवस्था समेत गरेको छ, जुन विद्यार्थीले आफ्नै समय अनुकूल लिन सक्छन्।
अतिरिक्त क्रियाकलाप र विश्वव्यापी पहुँच
जेभियरले सैद्धान्तिक ज्ञानलाई मात्र नभई अतिरिक्त क्रियाकलापलाई पनि उत्तिकै महत्व दिएको छ। कलेजमा रहेका १९ वटा क्लबमार्फत एकै शैक्षिक सत्रमा १०० भन्दा बढी कार्यक्रमहरू सञ्चालन हुन्छन्। विज्ञान, सूचना प्रविधि र व्यवसायका विद्यार्थीहरूले आफ्ना मौलिक आविष्कार र परियोजनाहरू प्रदर्शनीमा प्रस्तुत गर्छन्।
केही समयअघि ब्राजिलका विश्वचर्चित फुटबलर रोबर्टो कार्लोसको कलेज भ्रमणले पनि यसको विश्वव्यापी पहुँचलाई देखाउँछ। कार्लोसले विद्यार्थी र शिक्षकहरूसँग अन्तरक्रिया गर्दै उनीहरूलाई प्रेरित गरेका थिए।
अन्तर्राष्ट्रिय सम्मान र सुविधासम्पन्न पूर्वाधार
जेभियरले आफ्नो उत्कृष्टताका लागि राष्ट्रिय तथा अन्तर्राष्ट्रिय स्तरमा अनेकौं पुरस्कार र सम्मान प्राप्त गरेको छ। दक्षिण एसियाकै प्रतिष्ठित ‘आउटस्ट्यान्डिङ कलेज अफ द इयर’ को उपाधि जित्नु यसको सबैभन्दा ठूलो उपलब्धि हो। यसका साथै, ‘आउटस्ट्यान्डिङ इ-लर्निङ प्राक्टिस’, ‘बेस्ट युज अफ सीएसआर ड्युरिङ प्यान्डेमिक’ तथा ‘एक्सेलेन्ट टिचर अवार्ड’ जस्ता सम्मानले कलेजको गुणस्तरलाई थप पुष्टि गरेको छ।कलेजमा उपकरणयुक्त प्रयोगशाला, सन्दर्भ सामग्रीसहितको पुस्तकालय, सुरक्षा र स्वास्थ्य सेवा, खेलकुदका लागि आवश्यक पूर्वाधारलगायत सम्पूर्ण भौतिक सुविधाहरू उपलब्ध छन्।
कलेजका प्रमुख विशेषताहरू:
राष्ट्रिय तथा अन्तर्राष्ट्रिय स्तरका कार्यशाला, तालिम र शैक्षिक सम्मेलनको नियमित आयोजना।
‘आउटस्ट्यान्डिङ कलेज अफ द इयर’ लगायत थुप्रै अन्तर्राष्ट्रिय सम्मानद्वारा सम्मानित।
अत्याधुनिक उपकरणयुक्त ल्याब र सन्दर्भ सामग्रीसहितको समृद्ध पुस्तकालय।
विद्यार्थीका लागि भरपर्दो सुरक्षा र स्वास्थ्य सेवाको व्यवस्था।
पढाइका साथै खेलकुदका विविध गतिविधिलाई प्राथमिकता।
६०० भन्दा बढी विद्यार्थीका लागि आकर्षक छात्रवृत्तिको अवसर।
आवश्यक सम्पूर्ण भौतिक पूर्वाधार र शान्त शैक्षिक वातावरण।
शैक्षिक उत्कृष्टता, अन्तर्राष्ट्रिय पहिचान, विद्यार्थी केन्द्रित शिक्षण विधि र वृहत् अवसरका कारण जेभियर इन्टरनेशनल कलेज स्नातक तहमा भर्ना हुन चाहने विद्यार्थीका लागि एक उचित शैक्षिक गन्तव्य बनेको छ।
