सभामुख देवराज घिमिरे र राष्ट्रिय सभा अध्यक्ष नारायण दाहालले संविधानभित्रबाटै निकास दिन आग्रह गरेका छन् ।
शुक्रबार संयुक्त विज्ञप्ति जारी गर्दै दुवैले देशमा विद्यमान विषम परिस्थितिमा जनतामा निहित सार्वभौमसत्ता‚ नागरिक स्वतन्त्रता‚ भौगोलिक अखण्डता‚ राष्ट्रिय एकता र स्वाधीनतालाई शिरोपर गर्दै संवैधानिक प्रक्रियाबाटै निकास दिन राष्ट्रपति रामचन्द्र पौडेलले पहल गरिरहेको भन्दै विधिको शासन र संविधानवादबाट बाहिर जानुहुँदैन भन्नेमा आफूहरू दृढ रहेको उल्लेख गरेका हुन्।
‘विधिको शासन र संविधानवादबाट बाहिर जानु हुँदैन भन्नेमा हामी दृढ छौँ,’ उनीहरूले भनेका छन्।
दुवै जनाले आन्दोलनरत पक्षका मागहरू सम्बोधन गर्दै अझ उन्नत, समृद्ध र बलियो लोकतन्त्रका लागि प्रतिबद्ध हुन सबैलाई अपिल समेत गरेका छन्।
