शीतल निवासमा प्रतिनिधिसभा विघटन र सुशीला कार्कीलाई प्रधानमन्त्री बन्ने सहमति जुटेको छ । शीतल निवासमा राष्ट्रपति, जेनजी समूहका प्रतिनिधि र सुशीला कार्कीसहितका बिचमा जारी वार्तामा उक्त सहमति जुटेको हो ।
राष्ट्रपति कार्यालय स्रोतका अनुसार कार्कीलाई आजै राति ८:४५ मा शपथ खुवाउने तयारी छ । त्यसका लागि प्रधानमन्त्री नियुक्त गर्ने नियुक्ति पत्र लेखनसँगै प्रतिनिधिसभा विघटनको निर्णयको मस्यौदा लेखनको कार्य भइरहेको छ ।
राष्ट्रपति पौडेल पहिले प्रधानमन्त्री नियुक्ति र त्यसपछि बन्ने मन्त्रिपरिषद्को सिफारिसमा मात्रै प्रतिनिधिसभा विघटन गर्ने अडानबाट पछि हटेपछि आजको सहमति भएको हो ।
