काठमाडौँमा लाग्दै आएको निषेधाज्ञा र कर्फ्यु आजबाट हटेको छ । काठमाडौँ जिल्ला सुरक्षा समितिले निषेधाज्ञा र कर्फ्यु हटाउने निर्णय गरेको हो ।
निषेधाज्ञा र कर्फ्यु हटेसँगै काठमाडौँको जनजीवन सामान्य हुँदै गएको छ । बिहानैबाट काठमाडौँमा सर्वसाधारणको चहलपहल बढेको छ ।
जेनजी आन्दोलनपछि नेपाली सेनाले दिउसोमा निषेधाज्ञा र रातिको समयमा कर्फ्यु लगाउँदै आएको थियो । तर शुक्रबार साँझ अन्तरिम प्रधानमन्त्रीमा सुशीला कार्की नियुक्त भएर शपथ लिएसँगै निषेधाज्ञा र कर्फ्यु हटेको हो ।
निषेधाज्ञा र कर्फ्यु हटे पनि महत्त्वपूर्ण स्थानमा तोकिएको निषेधित क्षेत्र भने कायम रहेको बताइएको छ ।
