काठमाडौं । जनजाति कल्याण आश्रम नेपालद्वारा सञ्चालित आमाकाे माया छात्रावासकाे १२ ओैँ वार्षिकाेत्सव ललितपुरकाे डीएभी कलेजमा सम्पन्न भएको छ ।
विगत १२ वर्षदेखि सामाजिक कार्य गर्दै आईरहेकाे जनजाति कल्याण आश्रममले विश्वकाे सबैभन्दा चर्चित महाभारत टेलिश्रृङखलामा भगवान श्रीकृष्णकाे भूमिकामा अभिनय गरेका डा.नितीश भारद्वजज्युकाे प्रमुख आतिथ्यमा आमाकाे माया छात्रावास वाग्मती प्रदेशकाे १२ ओैँ वार्षिकाेत्साह कार्यक्रममा सम्पन्न भएको हाे ।
‘जाउँ बालाैँ दीप त्यहाँ , जहाँ अझै अँध्यारो छ’ भन्ने मूल नाराकाे साथ जनजाति कल्याण आश्रम नेपालले देशकाे प्रमुख केन्द्रहरूमा आर्थिक स्थिति कमजोर भएको, दुर्गम, गरीब, जनजाति, आमाबाबु गुमाएका बालबालिकाहरूलाई आमाकाे माया छात्रावासद्वारा विराटनगर, जनकपुर, भरतपुर चितवन, काठमाडौं, धादिङ, नुवाकोट, दाेलखा हुँदै धनगढीसम्म ११ वटा छात्रावास सञ्चालन गरी तीन सय जना विद्यार्थीहरूलाई नि:शुल्क रूपमा खान बस्न, पढ्न र उनीहरू सम्पूर्णकाे व्यवस्थापन गरिरहेकाे जनजाती कल्याण आश्रमका महासचिव प्रेम थुलुङले बताए ।
उनले जनजाति कल्याण आश्रम नेपाललले देशकाे धर्म संस्कृति, संस्कार, रितिरिवाज सिकाउँदै जनजातिहरूकाे क्षेत्रमा धार्मिक र सांस्कृतिक जागरण गर्दै आइरहेकाे पनि बताए ।
कार्यक्रममा प्रमुख अतिथि डा.नितिश भारद्वजले नेपाल आएर पशुपतिनाथ भगवानकाे दर्शन गर्न पाएकाेमा धेरै खुसी भएको व्यक्त गर्दै नेपाल र भारत सांस्कृतिक रूपमा एउटै देश भएको र कुनै समय वर्तमान नेपाल, भारत, पाकिस्तान, श्रीलंका, म्यानमार एउटै देश भएको र त्याे पूरा भारत वर्षकाे रूपमा रहेकाे बताए ।
उनले अहिले आएर देश संचालन गर्न राज्य व्यवस्था ठिक गर्न राजनीतिक रूपमा सिमा बनाउनु पर्ने अवस्था छ त्याे ठिक रहेकाे र हामीले नै सीमा बनाएको भन्दै मैले चाहिँ याे कुनै सीमा नमान्ने र मुनुश्य भावकाे कुनै पनि सीमाना नरहेकाेले विश्व बन्धुत्वकाे साेच्नु पर्ने उल्लेख पनि गरे । उनले राजनीति सीमालाई स्वीकार्दै धर्म, संस्कृतिकाे कुनै पनि सीमाना नहुने बताए ।
कार्यक्रममा पुशपतिनाथकाे मुल पुजारी भट्ट गणेश रावल, हिन्दू स्वयंसेवक संघ नेपालका राष्ट्रिय सह संघ चालक कल्याण कुमार तिम्सिना, राष्ट्रिय सह-प्रचारक रेवित कुमार, भारतीय दूतवासका प्रथम सचिव नवीन कुमार, चर्चित टेलिश्रृखला महाभारतका भगवान श्रीकृष्ण ( डा.नितेश भारद्वज ) लगायत समाजका लब्ध प्रतिष्ठित व्यक्तिहरुको उपस्थिति रहेकाे थियोे ।
