नेप्सेमा आज पनि गिरावट, ४ अर्बको कारोबार

काठमाडौं । सेयर बजार परिसूचक नेप्से आज पनि घटेकाे छ । साेमबार सेयर बजार परिसूचक नेप्से २१.५१ अंकले घटेर २६२९.९७ बिन्दुमा कारोबार बन्द भएको छ । २२८ कम्पनीको ८२ लाख २५ हजार ८२२ कित्ता सेयर खरिदबिक्री भएको नेप्सेमा करिब ४ अर्ब रुपैयाँ बाराबरको सेयर कारोबार भएको छ ।

साेमबार सबैभन्दा धेरै जीवन बीमा समूहको ११७ अंकले घटेको छ । यसैगरी नीर्जीवन बीमा समूहको ७६.६८ अंक, होटल तथा पर्यटन समूहको ७३.३ अंक, विकास बैंक समूहको ६७.४४ अंक, उत्पादन तथा प्रसोधनमुलक समूहको ६१.९५ अंक, अन्य समूहको ४१.१३ अंक, लघुवित्त वित्तीय समूहको ४०.८३ अंक, वित्तीय समूहको ३२.६७ अंक र बैंकिङ समूहको १०.८९ अंकले सेयर कारोबारमा गिरावट आएको छ ।

नेप्सेमा गिरावट आएपनि न्यादी जलविद्युत कम्पनी र सामलिङ जलविद्युत कम्पनीको सेयर कारोबारमा सकारात्मक सर्किट लागेको छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७