राप्रपा अध्यक्षका लागि कमल थापाकाे उम्मेदवारी घोषणा, पशुपति शमशेर नउठ्ने

काठमाडाैं । राष्ट्रिय प्रजातन्त्र पार्टीको नयाँ अध्यक्षका लागि वर्तमान अध्यक्ष कमल थापाले उम्मेदवारी घोषणा गरेका छन् । सोमबार काठमाडौंमा पत्रकार सम्मेलन गरेर उनले भावी अध्यक्षका लागि उम्मेदवारी दिने घोषणा गरेका हुन् ।

राप्रपाका अर्का अध्यक्ष पशुपति शमशेर जबराले भने महाधिवेशनमा अध्यक्ष पदका लागि प्रतिस्पर्धा नगर्ने निर्णय लिएका छन् । मंसिर १५ देखि १९ गतेसम्म राप्रपाकाे महाधिवेशन हुन लागेकाे छ ।

थापाले जबराको साथ आफूलाई नै मिल्ने पनि विश्वास लिएका छन् । यसअघि नै राप्रपाका राजेन्द्र लिङ्देनले अध्यक्षमा उम्मेदवारी घोषणा गरिसकेका छन् । लिङ्देनलाई नेपालगञ्ज उपमहानगरपालिका मेयरसमेत रहेका नेता धवल शमशेर जबराले साथ दिएका छन् ।