काठमाडाैं । नेकपा (एमाले)को अध्यक्षमा पुनः केपी शर्मा ओली निर्वाचित भएका छन् ।
मंगलबार भएको निर्वाचनमा भीम रावललाई पराजित गरी ओली पुनः निर्वाचत भएका हुन् ।
ओलीले १८०८ मत पाएर अध्यक्ष चुनिएकाे र अर्का प्रत्यासी भीम रावलले २१३ मत पाएकाे निर्वाचन समितिका एक सदस्यले जानकारी दिए । यद्यपि निर्वाचन समितिले मत परिणामको औपचारिक घोषणा भने गरेको छैन ।
ओली यसअघि नवौँ महाधिवेशनमा माधवकुमार नेपाललाई थोरै मतान्तरले पराजित गर्दै अध्यक्ष बनेका थिए । वरिष्ठ उपाध्यक्षमा ईश्वर पोखरेल निर्विरोध निर्वाचित भइसकेका छन् । सोमबार वरिष्ठ उपाध्यक्षमा उनको मात्रै उम्मेदवारी परेको थियो ।
