डेरा सर्ने विषयमा अलमलमा प्रचण्ड, काठमाडाैं कि चितवन !

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले डेरा सर्ने बताएका छन् । खुमलटारमा बस्दै आएका प्रचण्डले ८औं महाधिवेशनमा प्रतिनिधिले उठाएका प्रश्नको जवाफ दिँदै डेरा सर्न लागेको जानकारी गराएका हुन् ।

उनको बसाइबारे प्रतिनिधिले पनि प्रश्न उठाएका थिए ।

जवाफमा उनले भने- ‘डेरा सर्ने कुरा ठीक छ । खुमलटारबाट डेरा सर्छु । अर्को डेराको खोजी हुँदैछ । ठेकेदारको घरमा बस्यो भनेर आलोचना भयो । घर सल्लाह गर्छु । यहीँ बस्ने कि चितवन ।’

‘केन्द्रीय सदस्य काठमाडौंमा बस्न पाउने छैनन् । आफ्नो जिल्ला गाउँमै बस्नु पर्नेछ,’ उनले भने । डेरा सर्दा काठमाडौं नै बस्ने कि चितवन भन्ने प्रश्नले अध्यक्ष प्रचण्ड अलमलमा छन् ।

प्रचण्ड अहिले ठेकेदार शारदाप्रसाद अधिकारीको घरमा बस्दै आएका छन् । अधिकारीले ठेक्का पाएका धेरै ठाउँमा काम अलपत्र छाडेका छन् । त्यसैले उनीमाथि शारदाप्रसाद अधिकारीलाई बचाउँदै आएको आरोप पनि लाग्दै आएको छ ।

प्रचण्डले अमेरिकी सहायता मिलिनियम च्यालेज कर्पोरेशन (एमसीसी)बारे भने दस्तावेजको धारणामा परिवर्तन नहुने बताए । राजनीतिक प्रतिवेदनमा संशोधनबिना एमसीसी अघि नबढ्ने उल्लेख छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७