काठमाडाैं । नेकपा एकीकृत समाजवादीका अध्यक्ष माधवकुमार नेपालले निर्वाचनसँग आफूहरु नडराएको बताएका छन् ।
आफूनिकट कर्मचारीहरुको भेला सम्बोधनका क्रममा चुनावसँग आफ्नो दल र गठबन्धनमा रहेका दल नअत्तालिएको बताएका हुन् । नेपालले भने- ‘हामी चुनाव जहिले भएपनि जनताको जान तयार छौँ, गठबन्धनमा यही आशय व्यक्त भएको छ । निर्वाचनसम्म गठबन्धन कायम राख्ने प्रतिवद्धता कांग्रेसबाट आएको छ ।’
स्थानीय निर्वाचनभन्दा अघि संघीय संसद वा त्यअसघि वैशाख वा जेठमा स्थानीय चुनाव भए पनि एकीकृत समाजवादी सामाना गर्न तयार रहेको बताए । अनेकौँ भ्रम छर्दै एमालेले गठबन्धन तोड्ने कोशिस गरेको आरोप लगाउँदै नेपालले चुनावसँग एमाले डराएको पनि जिकीर गरे । ‘गठबन्धनलाई तोड्न खोजेर एमाले अत्तालिएको होला हामी अत्तालिएका छैनौँ,’ उनले भने ।
