टर्की–ग्रिस सीमामा चिसोले कठ्यांग्रिएर १९ आप्रवासीको मृत्यु, नेपाली पनि परेको आशंका

काठमाडाैं । टर्की र ग्रिसको सीमानजिक चिसोले कठ्यांग्रिएर १९ जना आप्रवासीको मृत्यु भएको छ ।

टर्कीका आन्तरिक मामिलामन्त्री सुलेमान सोयुलुका अनुसार कपडा र जुत्ता नलगाएको अवस्थामा टर्की र ग्रिसको सीमा इप्सालामा आप्रवासीका शव भेटिएका हुन् । तर उनीहरू कुन देशका नागरिक हुन् भन्ने कुरा अहिलेसमम्म खुलिसकेको छैन ।

टर्कीका अधिकारीहरूका अनुसार बुधबार १२ जना र बिहीबार ७ जना आप्रवासीका शव भेटिएका हुन् ।

टर्कीस्थित गैरआवासीय नेपाली संघले मृतकमा नेपाली नागरिक पनि परेको हुन सक्ने जनाएको छ । वैदेशिक रोजगारीका लागि टर्की पुगेका कञ्चनपुरको कृष्णपुर–२, बंकका ३० वर्षीय दिव्यदेव अवस्थी सम्पर्कविहीन भएको परिवारका सदस्यले बताएका छन् ।

यद्यपी उनी परे/नपरेका विषयमा सोधखोज भइरहेको जनाइएको छ ।

 

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७