काठमाडौं । स्थानीय तह निर्वाचनमा गठबन्धन गरेर जाने माओवादी केन्द्रका अध्यक्ष पुष्पकमल दाहालको प्रस्ताव नेपाली कांग्रेसका नेता डा. शेखर कोइरालाले अस्वीकार गरेका छन् ।
बिहीबार बिहान प्रचण्डलाई भेट्न खुमलटार पुगेका कोइरालासमक्ष प्रचण्डले आगामी निर्वाचनमा गठबन्धन गरेर जाने प्रस्ताव गरेका थिए ।
कोइरालाले प्रचण्डलाई सरकारमा गठबन्धन गर्ने तर चुनावमा गठबन्धन हुन नसक्ने प्रष्ट पारेका थिए ।
उक्त भेटमा प्रचण्ड र कोइरालाबीच अमेरिकी सहयोग परियोजना एमसीसीका विषयमा पनि छलफल भएको थियो ।
