काठमाडौं । दिपेन्द्रसिंह ऐरीको उत्कृष्ट इनिङमा नेपालले ओमानविरुद्ध ६ विकेटको रोमाञ्चक जित हासिल गरेको छ ।
ओमानले दिएकाे १३६ रनकाे लक्ष्य नेपालले १९.३ ओभरमा ४ विकेटकाे क्षतिमा पूरा गरेकाे हाे । नेपालका लागि ऐरीले ५३ बलमा सर्वाधिक ७३ रन बनाए ।
यसैगरी नेपालका लागि आरिफ शेखले २५ रन बनाए ।
यसअघि टस हारेर ब्याटिङ थालेको ओमानले निर्धारित २० ओभरमा ६ विकेट गुमाएर १ सय ३५ रन बनाएको थियो ।
ओमानका कप्तान जिशान मकसुदले ४१ बलमा ४ चौका र १ छक्का सहित सर्वाधिक ४३ रन बनाएका थिए ।
