काठमाडौं । नेकपा एमालेले निष्कासन गरेका १४ संघीय सांसद र लुम्बिनी प्रदेशका २ सांसदमाथिकाे मुद्दाकाे सुनुवाई आइतबार पनि राेकिएकाे छ ।
नेकपा एमालेले निष्कासन गरेका सांसदहरुलाई सभामुख अग्नि सापकाेटाले गैरकानूनी रुपमा जोगाएका भन्दै एमालेले मुद्दा दर्ता गरेकाे थियाे ।
लुम्बिनी प्रदेशका मुख्य न्यायाधिवक्तालाई कोरोना संक्रमण भएको भन्दै सुनुवाई सार्न निवेदन परेपछि आइतबार पेशी तोकिएको मुद्दाकाे सुनुवाई सरेको हो । न्यायाधीश ईश्वर खतिवडा र कुमार रेग्मीको संयुक्त इजलासमा उक्त मुद्दाको पेशी तोकिएको थियो ।
