यस्ताे रह्यो भारतीय सेनाध्यक्ष मनोज पाण्डेकाे नेपाल भ्रमण

काठमाडाैं । भारतीय सेनाध्यक्ष जनरल मनोज पाण्डेले आफ्नो पाँच दिने नेपाल भ्रमण सफलतापूर्वक सम्पन्न गरेका छन् । जनरल पाण्डेले नेपाली सेनाको निमन्त्रणामा नेपालको भ्रमण गरेका हुन् ।

जनरल पाण्डेले मिति भदाै २२ गते पोखरास्थित भारतीय पेन्सन वितरण कार्यालयको भ्रमण गरे । त्यहाँ उनले भारतीय सेनाका भूतपूर्व सैनिकलाई सम्बोधन गर्नुका साथै वीरता अवार्डका विजेतालाई सम्मान गरे । जनरल पाण्डेकी धर्मपत्नी श्रीमती अर्चना पाण्डेले पनि उक्त कार्यक्रममा उपस्थित वीर नारीलाई सम्मान गरेकी थिइन् ।

जनरल पाण्डेले गोर्खा सैनिकको वीरता, साहस र समर्पणको गरेका थिए ।त्यही दिन बिहान उनले नेपाली सेनाको पोखरामा अवस्थित मध्य कमाण्ड हेडक्वार्टरको भ्रमण गरी त्यहाँ रहेका कर्मचारीसँग अन्तरक्रिया गरेका थिए ।

सेनाध्यक्ष पाण्डेले भूतपूर्व सैनिक योगदान स्वास्थ्य योजना (ईसीएचएस) अन्तर्गतका पोलिक्लिनिकलाई तीनवटा एम्बुलेन्स (मोबाइल मेडिकल युनिट) हस्तान्तरण गरे । यी एम्बुलेन्स नेपालमा रहेका तीन लाख भन्दा बढी भारतीय सेनाका भूतपूर्व सैनिक र उनीहरुका परिवारलाई सहजरुपमा स्वास्थ्य सेवा प्रदान गर्न सहयोग पुर्‍याउनुका साथै दुर्गम क्षेत्रका बासिन्दाका लागि विशेष उपयोगीसमेत हुनेछ ।

जनरल पाण्डेलाई गत सोमबार नेपालका सम्माननीय राष्ट्रपति विद्यादेवी भण्डारीले नेपाली सेनाको मानार्थ महारथीको दर्ज्यानी चिन्ह प्रदान गरेकी थिइन् । नेपाली समकक्षी जनरल प्रभुराम शर्मालगायत जनरल पाण्डेले नेपालका सम्माननीय राष्ट्रपति र सम्माननीय प्रधानमन्त्री एवम् रक्षा मन्त्री शेरबहादुर देउवासँग पनि भेटवार्ता गरेका थिए ।

नेपाल बसाइका क्रममा उनले नेपाली सेनाको सैनिक कमाण्ड तथा स्टाफ कलेजको भ्रमण गरी विद्यार्थी तथा कर्मचारीलाई सम्बोधन पनि गरिन् । उनले देशबीचको द्विपक्षीय सहकार्य अनुरुप, जनरल पाण्डेले नेपाली सेनालाई साइमुलेटर र हलुका सवारी साधनलगायतका तालिम उपकरण पनि दिएका थिए ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७