बिहेमा बेहुला धेरै नाचेपछि बेहुली रिसाएर अर्कैलाई लगाइदिइन् वरमाला !

भारत । मण्डप सजाइएकाे थियाे । डीजे बजिरहेकाे थियाे । जन्ती टाेली बेहुली घरकाे गेटमा पुगेकाे थियाे । बेहुला कारबाट उत्रेर साथीहरूसँग नाच्न थाले । डीजेकाे धुनमा उनकाे डिस्को-डान्स यति लम्बियाे, बेहुलीका बुवा रिसले चुरचुर भए अनि बिहेमा पुगेका अर्कै एक युवकलाई आफ्नी छाेरी जिम्मा लगाए ।

घटनाबारे सुन्दा कुनै फिल्मकाे कथाजस्तै लाग्छ । तर, याे वास्तविक घटना हाे, जुन भारतकाे महाराष्ट्रस्थित बुलढाणा जिल्लाकाे मलकार पंगरा गाउँमा २४ अप्रिलमा भएकाे थियाे । बेहुलीका बुवाकाे आराेप छ, बेहुला रक्सीकाे नसामा उफ्रिरहेका थिए । त्यसैले उनले आफ्नी छाेरीकाे बिहे अरू कसैसँग गरिदिए ।

उनका अनुसार जन्ती टाेली मुहूर्त सकिएपछि साँझ ४ बजे गेटमा पुग्दा बेहुला राति ८ बजेसम्म नाचिरहेका थिए । ढिलाे आउनुकाे कारण साेध्दा जन्ती टाेली कुटपिटमा उत्रिएकाे भन्दै केटीपक्षले बेहुलासहितलाई कुटेर फर्काइदिए । उनीहरू खाना पनि खान नपाउँदै त्यहाँबाट भागे ।

बेहुलाका बुवाले भनेअनुसार जन्ती गेटमा पुगेका थिए । बिहे भाँडियाे भने बेइज्जेत हुने डर थियाे । यस्ताेमा उनीहरू पञ्चायतकहाँ पुगे । पञ्चायतमै सहमति भयाे, बिहे यही मण्डपमा हुन्छ तर अरू काेहीसँग ।

यसपछि केटा खाेज्न थालियाे । जन्ती आएका एक युवकमाथि केटीका बुवाकाे नजर गयाे । उनले छाेरीकाे हात तिनै युवककाे हातमा सुम्पिए । खासमा ती युवक बेहुलीकै मिल्ने साथी थिए ।

अर्कै बेहुला पाएर आफू निकै खुसी भएकाे बेहुली प्रियंकाले बताएकी छन् । उनले भनिन्, ‘बेहुला जँड्याहा छन् भनेर पहिल्यै थाहा भएन । उनी नाचिरहेका थिए । म वरमाला लिएर घण्टाैं उभिएँ । उनकाे हर्कतबाट हाम्राे परिवार आहत थियाे । राम्राे भयाे, उसकाे वास्तविकता बेलैमा सामने आयाे ।’

© 2022 All right reserved Site By : Himal Creation || सञ्चार रजिस्ट्रार दर्ता नं : ०००९७