काठमाडाैं । प्रधानमन्त्री पष्पकमल दाहाल प्रचण्डले आफूलाई शतप्रतिशत नै विश्वासकाे मत प्राप्त हुने आशा व्यक्त गरेका छन् ।
आइतबार संसद बैठकबाट बाहिरिने क्रममा पत्रकारहरुले राखेकाे जिज्ञासामा उनले आफूलाई शतप्रतिशत नै मत आउने आश रहेकाे बताएका हुन् ।
उनले भने- ‘अघिल्लाे पटक विश्वासकाे मत लिँदा ९९ सय दशमलव २५ प्रतिशत आउँछ भनेकाे थिएँ । यसपटक शतप्रतिशत नै आउने आश छ ।’
प्रधानमन्त्री प्रचण्डले सोमबार संसदबाट विश्वासको मत लिन लागेका छन् ।
यसअघि गत पुस २६ मा एमालेसँगको गठबन्धन सरकारले संसदबाट अभूतपूर्व विश्वास पाएको थियो । उनको पक्षमा ९९.२७ प्रतिशत सांसदले समर्थन जनाएका थिए ।
