नेपालमा बनेका सवारीसाधन दर्ता गर्न मिल्ने कानून बनाउन प्रधानमन्त्रीकाे निर्देशन

काठमाडाैं । नेपालमा बन्ने सवारी साधन दर्ता गर्न मिल्ने कानून बनाउन प्रधानमन्त्री पुष्पकमल दाहालले निर्देशन दिएका छन् ।

प्रधानमन्त्रीले आज मुख्यसचिव शंकरदास बैरागीमार्फत् सम्बन्धित निकायलाई यस्तो कानून बनाउन निर्देशन दिएको प्रधानमन्त्रीको कार्यालयले जनाएको छ ।

नेपालमा बनेकाे यात्रीलगायतका सवारी साधन दर्ता नभएकाे भन्दै गुनासाे आएपछि प्रधानमन्त्री दाहालले उक्त निर्देशन दिएका हुन् ।

प्रधानमन्त्री दाहालले भनेका छन्, ‘सवारी साधन दर्ता एवं स्वदेशी उत्पादनलाई प्रवर्द्धन गर्नेगरी तत्काल कानुनी प्रबन्धको प्रक्रिया अगाडि बढाउन नेपाल सरकारका मुख्य सचिवमार्फत् सम्बन्धित निकायलाई निर्देशित गरेको छु ।’

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७