विष्णु रिमाललाई हर्क साम्पाङको सटायर – गुइँठेको प्रतिवाद गर्दिन

काठमाडौं । नेकपा एमालेका उपमहासचिव विष्णु रिमाल र धरानका मेयर हर्क साम्पाङबीच वादविवाद भएको छ । उनीहरू दुवैले एक–अर्कामाथि तुच्छ शब्द प्रयोग गरेका छन् ।

रिमालको एउटा भिडियो फुटेज सामाजिक सञ्जालमा भाइरल भएको छ, जसमा उनले पछिल्लो समय उदाएका तीन युवा नेताहरूमाथि टिप्पणी गरेका छन् । त्यसमा उनले हर्क साम्पाङलाई ‘बौलाहा टाइपको’ संज्ञा दिएका छन् ।

रिमालले फेसबुकमा अत्यधिक लाइक आउने सन्दर्भमा काठमाडौंका मेयर बालेन्द्र साह, धरानका मेयर हर्क साम्पाङ र राष्ट्रिय स्वतन्त्र पार्टीका सभापति रवि लामिछानेको नाम लिएका थिए ।

एमाले अध्यक्ष केपी ओलीको फेसबुकमा पनि उनीहरूको जस्तै लाइक आएमा पार्टीले बहुमत ल्याउने रिमालको दाबी थियो ।