काठमाडौंबाट पोखरा जाँदै गरेको बस त्रिशुलीमा खस्याे, उद्दार जारी

काठमाडौं । काठमाडौंबाट पोखरा जाँदै गरेको बस पृथ्वी राजमार्गको गजुरी –२ नजिकै चालिसेबाट त्रिशुली नदीमा खसेको छ ।

स्थानीय सञ्चारकर्मी पोषनाथ अधिकारीका अनुसार प्रदेश ३ ०१००५ ख ९९५२ नम्बरको काठमाडौंबाट पोखरा तर्फ जाँदै गरेको यात्रुवाहक धादिङको गजुरी नजिकै चालिसे भन्ने ठाउँबाट त्रिशुली नदीमा खसेको हो ।

दुर्घटनामा परेको बसमा सवार अहिलेसम्म १८ जनाको उद्दार गरिएको जिल्ला प्रहरी कार्यालय धादिङ प्रहरीले जानकारी दिएको छ । उद्दार अहिले पनि जारी छ । दुर्घटनाको थप विवरण आउन बाँकी छ ।

© 2024 All right reserved Site By : Himal Creation || सूचना विभाग दर्ता नं : ४१२१–२०८०/२०८१