काठमाडौँ । इण्डियन प्रिमियर लिग (आइपिएल) आज अन्तर्गत सोमबार राजस्थान रोयल्स र चेन्नई सुपर किंग्सबीच खेल हुँदैछ । गुहाटीमा हुने यो खेल नेपाली समय अनुसार साँझ ७ : ४५ बजेदेखि सुरु हुनेछ ।
यस सिजनमा सन्जु सामसन राजस्थान छोडेर चेन्नई पुगेका छन् भने चेन्नईका रविन्द्र जडेजा र साम करन राजस्थानबाट खेल्दैछन् । राजस्थानको कप्तानी रियान परागले गर्दैछन् । राजस्थानका युवा खेलाडी वैभव सुर्यबंशी यस आइपिएलमा पनि प्रमुख आकर्षण रहेका छन् ।
त्यस्तै, चेन्नईको कप्तानी रुतुराज गायकवाडले गर्दैछन् । चेन्नईका महेन्द्र सिंह धोनी इन्जुरीका कारण खेल्न नसक्ने भएका छन् भने यस टिममा सामसनसहित शिभम दुवे, सरफाज खान, आयुष मात्रे जस्ता खेलाडी प्रमुख रहेका छन् ।
राजस्थान रोयल्सले आइपिएलको पहिलो संस्करण २००८ मा उपाधि जितेको थियो भने चेन्नईले २०१०, २०११, २०१८, २०२१ र २०२३ मा गरेर पाँच पटक उपाधि जितेको छ ।
