काठमाडौं । काठमाडाैं महानगरका मेयर बालेन साहले बुद्धनगरस्थित अल्फाबिटा कम्प्लेक्समा डोजर चलाउन निर्देशन दिएपछि स्टाटस पोस्ट गरेका छन् ।
अल्फाबिटाका मालिकले भवनको नक्सा आफूसँग मागेपछि अफिसमा गएर नक्सा र डोजर लिएर आएको उनको भनाइ छ । उनले भनेका छन् ‘मैले अफिस गएर नक्सा र डोजर लिएर गएँ । मैले के बिराएँ ?’
अब उप्रान्त यस्तो गर्नु नपरोस् भन्ने उनको कामना छ । सबैले आफैं बुझेर अवैधरूपमा बनाइएका संरचना हटाइदिन बालेनले आग्रह गरेका छन् । ‘नक्सा जसरी पास भएको छ, त्यहीअनुसार बनाइदिनुहोला,’ उनले भनेका छन् ।
अवैधरूपमा बनाइएका संरचना भत्काउने क्रममा साहले बुद्धनगरस्थित अल्फाबिटा कम्प्लेक्समा डोजर चलाएका छन् । उनको यो एक्सनले सामाजिक सञ्जालमा व्यापक समर्थन पाएको छ ।
