काठमाडाैं । अभिनेत्री तथा राष्ट्रिय प्रजातन्त्र पार्टीकी नेतृ रेखा थापाले मोरङ ३ बाट उम्मेदवारी दर्ता गराएकी छन् ।
उनले बेलबारीस्थित प्रतिनिधि सभा निर्वाचन क्षेत्र नम्बर ३ को निर्वाचन कार्यालयमा मनोनयन दर्ता गराएकी हुन् । थापासँग राप्रपाबाट प्रदेश सभा सदस्य ३ कमा तीर्थ गुरुङ र ३ खमा रमेश रिजालले मनोनयन दर्ता गराएका छन् ।
थापा केही केही समययता मोरङको सलकपुरस्थित घरमा बसेर चुनावी अभियानमा सक्रिय छिन् । उनलाई राप्रपाले सो क्षेत्रबाट उम्मेदवार सिफारिस गरेको थियो ।
