काठमाडाैं । मंगलबार बिहानैदेखि सम्पर्कविहीन भएको मनाङ एयरको हेलिकप्टर सोलुखुम्बुको सुर्के नजिकै फेला परेको छ । लिखुपिके गाउँपालिकामा हेलिकप्टर भेटिएको हो ।
हेलिकप्टरमा एकजना नेपाली पाइलटसहित ५ मेक्सिकन नागरिक रहेका पुष्टि भएको छ । हालसम्म ५ जनाकाे शव फेला परिसकेकाे छ । एक जना बेपत्ता छन् ।
मनाङ एयरको हेलिकप्टर सीबी गुरुङले कमान्ड गरेका थिए । जसमा मेक्सिकन नागरिकहरु ३ महिला र २ पुरुष रहेका छन् ।
मनाङको यात्रु लिस्टअनुसार हेलिकोप्टरमा तिमा सिफुन्टेस जी फरनान्डो, गोनजालेक्स अब्रिक, गोन्जालेक्स ओकासिलियस, सिफुजेन्टस् जी मोक्स्रिटोस र रिनकोन इस्मेस रहेका छन् ।
