यातायात व्यवसायीको आन्दोलनका क्रममा सडकमा हडताल गर्न खोज्ने १४ जनालाई प्रहरीले पक्राउ गरेको छ।
केन्द्रीय प्रहरी प्रवक्ता एसएसपी रमेश थापाले जानकारी दिएअनुसार काठमाडौँबाट १२ जना र पूर्वी नवलपरासीबाट २ जनालाई नियन्त्रणमा लिइएको हो। थापाका अनुसार उनीहरूविरुद्ध सम्बन्धित जिल्ला प्रहरी कार्यालयहरूले अनुसन्धान अघि बढाइरहेका छन्।
गण्डकी प्रदेश सरकारले ल्याएको राइड सेयरिङसम्बन्धी ऐनको विरोधस्वरूप यातायात व्यवसायीहरूले देशभर सार्वजनिक यातायात ठप्प पारेका छन्।
सोमबारका लागि नवराज सुवेदी नेतृत्वको राजावादी समूहले पनि बन्दको घोषणा गरेको भए पनि आइतबार साँझ नै पक्राउ परेका नेताहरू कमल थापा र दीपक सिंहजस्ता व्यक्तिहरूलाई छोडिएको थियो। त्यस्तै, राजेन्द्र लिङ्देन नेतृत्वको राप्रपाले भने आफूहरू उक्त बन्दमा संलग्न नरहेको प्रस्ट पारेको थियो।
