युक्रेनमा रूसको आक्रमणपछि राजधानी किभको बाहिरी भागमा रहेको भासिलकिभमा रहेको तेल भण्डारमा क्षति पुगेको छ । रुसले युक्रेनमाथि चार दिनदेखि हमला जारी राखेको छ ।
किभ प्रशासनले डिपोमा आगो लागेको र यहाँबाट विषाक्त धुवाँ निस्किरहेको भन्दै सर्वसाधरणलाई आफ्नो घरका झ्याल बन्द गर्न आग्रह गरेको छ । तेल डिपोमा भएको आगलागीका यस्ता धेरै भिडियोहरु सामाजिक सञ्जालमा पोष्ट भएका छन् ।
भिडियोमा हावामा धुवाँको ठूलो मुस्लो उडिरहेको देखिन्छ । यसअघि संयुक्त राष्ट्रसंघको मानवअधिकार उच्च अधिकारी (ओसीएचआर) ले उक्त हमलामा अहिलेसम्म युक्रेनका २० जना हताहत भएको बताएका थिए । जसमध्ये कम्तीमा ६४ जनाको ज्यान गएको छ ।
याे पनि :
युक्रेनको तेल भण्डारमा रसियन क्षेप्यास्त्र प्रहार, दन्कियाे आगाे
