अष्ट्रेलियाको डार्विनमा जारी टप इन्ड टी–२० सिरिज अन्तर्गत आजको खेलमा नर्दर्न टेरिटोरी स्ट्राइकले नेपालविरुद्ध पहिलो ब्याटिङ गर्दै २० ओभरमा १७७ रन बनाएको छ। स्ट्राइकले ८ विकेटको क्षतिमा उक्त योगफल तयार पारेको हो।
स्ट्राइकका कप्तान डि’आर्सी सर्टले ५१ रनको आकर्षक अर्धशतक प्रहार गरे। उनले ३४ बलमा ७ चौका र १ छक्का प्रहार गरेका थिए। यस्तै थोमस एन्ड्र्युजले ३२ रन, जॉर्डन सिल्कले १९, कनर क्यारोलले १८, जेक वेदराल्डले ११, क्रिस्टोफर म्याकमाहोनले १२, र म्याट ह्यामण्डले ५ रनको योगदान दिए।
नेपालले बलिङतर्फ ८ विकेट लिन सफल भयो। सन्दीप लामिछानेले सबैभन्दा उत्कृष्ट प्रदर्शन गर्दै ३ विकेट लिए। यस्तै शहाब आलमले २ विकेट, र रुपेश सिंह, दिपेन्द्रसिंह ऐरी, तथा कप्तान रोहित पौडेलले समान १–१ विकेट हात पारे।
