काठमाडौं । नेपाली बजारमा बिहीबार सुनचाँदीको मूल्य घटेको छ ।
नेपाल सुनचाँदी व्यवसायी महासङ्घका अनुसार विहिबार छापावाल सुनको मूल्य तोलाको २ हजारले घटेर तोलाको ३ लाख १७ हजारमा कारोबार भइरहेको छ ।
यसअघि बुधबार सुन तोलाको ३ लाख १९ हजारमा कारोबार भएको थियो ।
यस्तै, आज चाँदीको मूल्य पनि घटेको छ छ । महासङ्घका अनुसार चाँदी तोलाको २०५ रुपैयाँले घटेर ५५१५ मा कारोबार भइरहेको छ ।
यसअघि बुधबार चाँदी तोलाको ५७२० मा कारोबार भएको थियो ।
