काठमाडौं । नेकपा एमालेका सचेतक महेश बर्तौलाले सदन सरकारको लापारवाहीको बन्धकमा परेको टिप्पणी गरेका छन् ।
आईतबार मुलुकी संहितासम्बन्धी केही नेपाल ऐनलाई संशोधन गर्ने विधेयक, २०८० माथि विचार गरियोस भन्ने प्रस्तावमाथिको छलफलमा भाग लिँदै उनले कानूनका विभिन्न प्रक्रिया र विधिको बारेमा सरकारले पटक पटक अनादर गरेको टिप्पणी गरे ।
उनले भने ‘कानुन बनाउने औपचारिक थलोलाई नै कानूनका प्रक्रिया र विधिको बारेमा सरकारले पटक पटक अनादर गर्ने । सरकारको लापारवाहीको बन्धकमा सदन बन्न पर्ने , हामी सांसद सरकारको कमी कमजोरी लापारवाहीको जवाफ दिँदै हिड्न पर्ने ? यो कहिले सम्म ?
राष्ट्रिय सभाले के पास गर्याे ? के सन्देश पठायो ? यो प्रतिनीधि सभाको माननीयहरुले थाहा पाउने अधिकार छैन ? त्यो विधि यहि हो ? सरकारलाई उनको प्रश्न छ ।
