काठमाडाैं । युएईले दिएको १७६ रनको लक्ष्य पछ्याएको नेपालले सुरूआती तीन ओभरमै तीन विकेट गुमाएको छ ।
ओपनर आशिफ शेख र लोकेश बम शुन्यमा आउट हुँदा कुशल भुर्तेलले ७ रन जोडे । ओपनर आशिफ शेख पहिलो ओभरमै शून्य रनमा आउट भए । लगत्तै आएका लोकेश बम डक आउट भए ।
युएईले नेपालसामु १७६ रनकाे लक्ष्य प्रस्तुत गरेकाे छ ।
ओमान क्रिकेट एकेडेमी ग्राउन्ड–१ मा टस जितेर ब्याटिङ गरेकाे यूएईले निर्धारित २० ओभरमा ७ विकेट गुमाएर १७५ रन बनाएकाे हाे । नेपालले अहिले जवाफी ब्याटिङ गरिरहेकाे छ ।
काठमाडाैं । नेपालले आइसिसी टि२० विश्वकप छनोट ए को पहिलो सेमिफाइनल खेलमा युएईले नेपालसामु १७६ रनकाे लक्ष्य प्रस्तुत गरेकाे छ ।
ओमान क्रिकेट एकेडेमी ग्राउन्ड–१ मा टस जितेर ब्याटिङ गरेकाे यूएईले निर्धारित २० ओभरमा ७ विकेट गुमाएर १७५ रन बनाएकाे हाे ।
यूएईका लागि मोहम वसिमले विस्फोटक ब्याटिङ गर्दै ४८ बलमा सर्वाधिक ७० रन बनाए । त्यस्तै, भ्रित्य अरभिन्दले पनि ४६ रनको योगदान दिए भने मोहमद उसमानले १७ रन बनाए ।
नेपालका लागि जितेन्द्र मुखिया र अविनास बोहराले ३–३ विकेट लिए । कप्तान सन्दीप लामिछानले १ विकेट लिए ।
आजकाे खेलमा नेपालले यूएईलाई हराए आगामी अक्टोबर-नोभेम्बरमा अष्ट्रेलियामा हुने टि२० विश्वकपमा खेल्न पाउनेछ । यसअघि नेपाल पहिलो पटक सन् २०१४ मा बंगलादेशमा भएको विश्वकपमा छनोट भएको थियो ।
काठमाडाैं । नेपालले आइसिसी टि२० विश्वकप छनोट ए को पहिलो सेमिफाइनल खेलमा युनाइटेड अरव इमिरेट्स (युएई) विरुद्ध पहिला फिल्डिङ गर्ने भएको छ ।
ओमान क्रिकेट एकेडेमी ग्राउन्ड–१ मा भएको टसमा युएईले टस जितेर जितेर पहिला ब्याटिङ गर्ने निर्णय गरेकाे हाे ।
आजकाे खेलमा नेपालले युएईलाई हराए आगामी अक्टोबर नोभेम्बरमा अष्ट्रेलियामा हुने टि२० विश्वकपमा खेल्न पाउनेछ ।
नेपालले आजकाे खेलमा कुशल मल्लकाे ठाउँमा अलराउण्डर विवेक यादवलाई राखेकाे छ । नेपालको सुरुवाती –११ मा कप्तान सन्दीप लामिछाने, आसिफ शेख , ज्ञानेन्द्र मल्ल, कुशल भुर्तेल, दीपेन्द्रसिंह ऐरी, आरिफ शेख, लोकेश बम, जितेन्द्र मुखिया, विवेक यादव, कमलसिंह ऐरी र अभिनास बोहरा छन् ।
काठमाडाैं । नेपाल आइसीसी टी–२० क्रिकेट विश्वकपको ग्लोबल छनोटको सेमिफाइनलमा प्रवेश गरेको छ ।
सोमबार भएको समूहको अन्तिम खेलमा क्यानडामाथि ८ विकेटकाे जितसहित नेपाल सेमिफाइनलमा प्रवेश गरेको हो ।
क्यानडाले दिएको ८१ रनको झिनो लक्ष्य नेपालले १४.१ ओभरमा २ विकेट गुमाएर भेट्टाएको हाे ।
नेपालका लागि कुशल भुर्तेलले ३४ तथा दीपेन्द्रसिंह ऐरीले २७ रन बनाए । दुवै नटआउट रहे । यस्तै आसिफ सेखले १७ रन बनाए । कुशल मल्लले १ रनमात्र बनाए ।
त्यसअघि ओमानको अल अमिरात क्रिकेट मैदानमा टस हारेर फिल्डिङको निम्तो पाएको नेपालले क्यानडालाई १५ ओभरमा ८० रनमा अलआउट गरेकाे थियाे ।
सेमिफाइनलमा नेपालले मंगलबार यूएईको सामना गर्नेछ । यूएईविरुद्ध जित हासिल गर्न सके नेपाल अष्ट्रेलियामा हुने टी–२० विश्वकपमा छनोट हुनेछ ।
काठमाडाैं । आइसीसी विश्वकप टि२० विश्वकप छनोट खेलमा क्यानडाले नेपाललाई ८१ रनकाे लक्ष्य प्रस्तुत गरेकाे छ । ओमान क्रिकेट एकेडेमी ग्राउण्डमा टस जितेर पहिला ब्याटिङ थालेको क्यानडा ८० रनमा समेटिएकाे हाे ।
क्यानडाले १५ ओभर खेल्दा पूरा विकेट गुमाएर ८० रनमात्र बनाउन सफल भयाे । नेपालका लागि सन्दीप लामिछानेले तीन तथा कमलसिंह ऐरी र अविनाश बोहराले २-२ विकेट लिए । कुशल मल्लले एक विकेट लिन सफल भए ।
याे खेलमा नेपाल विजेता भए सेमिफाइनलमा समूह ‘ए’ काे उपविजेता यूएईसँग खेल्नेछ । यस्तै, नेपाल उपविजेता भए समूह ‘ए’ काे विजेता आयरल्यान्डसँग खेल्नेछ ।
सेमिफाइनल खेल मंगलबार र फाइनल खेल आउँदाे बिहीबार हुनेछ । फाइनल पुग्ने दुई टोलीले अक्टोबरमा अस्ट्रेलियामा सुरु हुने टी–२० विश्व कप खेल्न पाउनेछन् ।
काठमाडौं । ओमानमा जारी आईसीसी टी–२० विश्वकपको विश्वस्तरको छनोटअन्तर्गत समूहगत चरणको अन्तिम खेलमा नेपालले क्यानडाविरुद्ध पहिले फिल्डिङ गर्ने भएकाे छ ।
क्यानडाले टस जितेर पहिला ब्याटिङ रोजेको हाे ।
समूहका अघिल्ला दुबै खेल जितेको नेपाल सेमिफाइनल नजिक छ । समूहमा नेपाल २ खेलबाट ४ अंक जोडेर शीर्षस्थानमा छ ।
काठमाडौं । सातौं संस्करणको नेपाल–पाकिस्तान फ्रेन्डसिप टी–ट्वान्टी क्रिकेट प्रतियोगिता फागुन १८ गतेबाट काठमाडौंमा सुरु हुने भएको छ ।
आयोजक नेपालस्थित पाकिस्तान दूतावासले सोमबार पत्रकार सम्मेलन गरी प्रतियोगिता फागुन १८ देखि २६ गतेसम्म संचालन हुने जानकारी दिएको हो । लिगकम नकआउटका आधारमा खेलाइने प्रतियोगितामा १२ टिमको सहभागिता रहनेछ । सहभागी १२ टिमलाई चार समूहमा विभाजन गरिएको दुतावासले जनाएको छ । चार समूहमा बिभिन्न क्रिकेट क्लव तथा एकेडेमीको सहभागीता रहने बताइएको छ । चारवटै समूहका विजेताहरु सेमिफाइनल प्रवेश गर्नेछन् ।
पत्रकार सम्मेलनमा नेपालका लागि पाकिस्तानी राजदूत सयद हैदर शाहले क्रिकेटमा युवाहरुको आकर्षण बढाउनका लागि र खेल प्रतिको भावना बढाउनका लागि प्रतियोगिता आयोजना गरिएको बताए ।
यस्तै नेपाल क्रिकेट टिमका पूर्व कप्तान तथा क्रिकेट एक्सिलेन्स सेन्टरका संस्थापक पारस खड्काले नेपालको क्रिकेटम पाकिस्तानले गरेको सहयोगको चर्चा गरे ।
प्रतियोगिताको उदघाटन खेलमा पाकिस्तान दूताबासले एचके क्रिकेट क्लबविरुद्ध खेल्नेछ भने प्रतियोगिताका खेलहरु धुम्बाराहीस्थित पाकिस्तानी दूतावासको क्रिकेट मैदानमा हुने दुतावासले जनाएको छ ।
काठमाडाैं । आईसीसी टी-२० विश्वकप ग्लोबल छनोटअन्तर्गत समूह चरणको अन्तिम खेलमा सोमबार नेपाल र क्यानडाबीच प्रतिस्पर्धा हुँदैछ ।
ओमानको मस्कटस्थित अल अमेरत क्रिकेट मैदानमा खेल नेपाली समयअनुसार ३ : ४५ बजे सुरु हुनेछ ।
ग्लोबल छनोटको समूह ‘बी’ मा रहेको नेपाल चार अंकसहित तालिकाको शीर्ष स्थानमा छ । यस्तै, दुई खेलबाट दुई अंक जोडेको क्यानडा दोस्रो र समान खेलबाट समान अंक रहे पनि रनरेटका आधारमा ओमान तेस्रो स्थानमा छ । अंकविहीन फिलिपिन्स समूहको पुछारमा रहेकाे छ ।
नेपालले छनोटअन्तर्गत यसअघि भएको समूह चरणका दुई खेलमा जित निकालेको छ । छनोटको पहिलो दिन शुक्रबार नेपालले घरेलु टोली ओमानलाई ३९ रनले र शनिबार फिलिपिन्सलाई १३८ रनले पराजित गरेको थियाे ।
साेमबार जितसहित समूह विजेता बने नेपालले सेमिफाइलनमा समूह ‘ए’ को उपविजेतासँग खेल्नेछ । सेमिफाइनल जित्न सफल भएमा नेपाल टी-२० विश्वकपमा छनोटमा हुनेछ । ग्लोबल छनोटकाे समूह ‘ए’ मा शीर्ष स्थानमा यूएई रहेकाे छ ।
काठमाडाैं । टी–२० विश्वकप क्वालिफायर अन्तर्गत फिलिपिन्स विरुद्धको खेलमा नेपालले शानदार जित निकालेको छ । ओमानमा जारी खेलमा नेपालले फिलिपिन्सविरुद्ध १३६ रनको जित दर्ता गर्न सफल भएकाे हाे ।
कुशल भुर्तेल र दिपेन्द्रको शानदार साझेदारी र बलरहरुको उत्कृष्ट प्रदर्शनका कारण नेपालले लगातार दोस्रो जित हासिल गर्न सफल भएकाे हाे ।
२१९ रनको विशाल लक्ष्य पछ्याएको फिलिपिन्सलाई नेपालले ८२ रनमा राेकेकाे हाे । फिलिपिन्सलाई सस्तैमा समेट्न सन्दीप लामिछानेले तीन विकेट लिए । गुल्सन झा, जितेन्द्र मुखिया, अविनाश बोहोरा, कुशल मल्ल र दीपेन्द्रसिंह ऐरीले १/१ विकेट लिए ।
यसअघि टस हारेर ब्याटिङ गरेको नेपालले ओपनर कुशल भुर्तेलको शतकीय योगदानमा २१८ रनको विशाल लक्ष्य प्रस्तुत गरेकाे थियाे ।
पहिलाे खेलमा पनि नेपालले ओमानविरुद्ध शानदार जित निकालेकाे थियाे ।
याे पनि :
काठमाडाैं । टी२० विश्वकप छनोट खेल अन्तरगत फिलिपिन्स विरुद्धको दोस्रो खेलमा नेपालले २ सय १९ रनको विशाल लक्ष्य प्रस्तुत गरेको छ ।
कुशल भुर्तेलको शतक तथा दीपेन्द्र सिंह ऐरीको अर्धशतकको मद्दतले नेपालले तीन विकेटको क्षतिमा २ सय १८ रन बनाएको हो ।
ओपनर कुशलले अविजित १०४ रन बनाए । कुशलले ६१ बल खेल्दै १३ चौका १ छक्का प्रहार गरे ।
यस्तै, दीपेन्द्र सिंह ऐरीले ४७ बल खेल्दै ६ चौका र ४ छक्का मद्दतमा ८३ रन बनाए । यसैगरी नेपालका लागि कुशल मल्लले १२ र लाेकेश बमले नटआउट ६ रन बनाए ।