काठमाडौं । नेपाली कांग्रेसका नेता शेखर कोइरालाले सरकारले नेपाल प्रहरीको महानिरीक्षक नियुक्तिको विषयमा असन्तुष्टि व्यक्त गरेका छन् ।
आइतबार बसेको मन्त्रिपरिषद बैठकले एआइजी धिरजप्रताप सिंहलाई प्रहरी महानिरीक्षकमा नियुक्ति गर्ने निर्णय गरेको थियो । सरकारको उक्त निर्णयको आलोचना गर्दै कोइरालाले वरीयता र प्रक्रिया मिचेर महानिरिक्षक नियुक्ति भएको भन्दै त्यसले विधिको शासनको खिल्ली उडाएको बताएका छन् ।
‘वरीयता र प्रक्रिया मिचेर नेपाल प्रहरीको आइजिपी नियुक्त गर्ने सरकारको निर्णयले विधिको शासनको खिल्ली उडाउने काम गरेको छ,’ नेता कोइरालाले ट्विटमा उल्लेख गरेका छन् । सरकारको निर्णयले फेरि नेपाल प्रहरीमा विवाद ल्याएको तर्क समेत उनले गरेका छन् ।
सरकारले कनिष्ठलाई बढुवा गरेको भन्दै कोइरालले आपत्ति जनाएका हुन् ।
