काठमाडाैं । सत्तारुढ पाँच दलीय गठबन्धनबीच भागबण्डा विवाद नमिलिरहेका बेला नेपाली कांग्रेसका नेता डा. शेखर कोइरालाले प्रमुख प्रतिपक्षी नेकपा एमालेका अध्यक्ष केपी शर्मा ओलीसँग वार्ता गरेका छन् ।
अध्यक्ष ओली गृहजिल्ला झापा जानुअघि कोइराला बिहीबार बालकोट पुगेर दुई घण्टा लामो वार्ता गरेका हुन् । कोइरालाले एमालेसँग गरेको वार्तालाई अर्थपूर्ण भनिएको छ ।
बालकोटमा दुई नेताबीच भएको वार्ताको पुष्टि कोइराला र ओली दुवैको सचिवालयले गरेको छ।
स्रोतका अनुसार उक्त वार्ता आगामी मंसिर ४ गते हुने प्रतिनिधिसभा र प्रदेशसभा निर्वाचनमा केन्द्रित रहेकाे बताइएकाे छ । यसबारे थप विवरण भने दुवैकाे सचिवालयले खुलाउन चाहेन ।
