काठमाडौं । कैलालीमा श्रीमतीले श्रीमानको हत्या गरेकी छिन् ।
मोहन्याल गाउँपालिका-१ राक्सा बस्ने ३३ वर्षीया थुमा थापामगरले ४४ वर्षीय श्रीमान् नारायण बुढामगरको हत्या गरेको भन्दै प्रहरी कार्यालयमा पुगेकी थिइन् ।
आइतबार राति यसरी उनी पुगेपछि प्रहरीले थुमालाई नियन्त्रणमा लिएर अनुसन्धान अगाडी बढाएको छ ।
घरायसी विवादको क्रममा धारिलो हसियाले प्रहार गरी नारायणको हत्या गरेपछि उनी आफैँ इलाका प्रहरी कार्यालय पण्डौनमा पुगेको प्रहरीले जानकारी दिएको छ ।
घटनाको थप अनुसन्धान भइरहेको प्रहरीले जानकारी दिएको छ ।
